Af hverju munu Norðmenn ekki lána okkur án Icesave-skilyrða?

Það er einföld ástæða fyrir því að Norðmenn munu aldrei lána okkur norska krónu fyrr en við höfum gengið frá okkar málum við Breta og Hollendinga - það er af sömu ástæðu og þeir tóku ekki í mál að við tækjum hér upp norska krónu. Ástæðan er sú að þrátt fyrir að Norðmenn hafi tvívegis hafnað inngöngu í Evrópusambandið í þjóðaratkvæðagreiðslu vill meirihluti norskra stjórnmálamanna enn að Noregur gangi í Evrópusambandið. Það hentar því norskum stjórnmálamönnum ekki að við fáum valkosti við evruna sem gjaldmiðil og það hentar þeim ekki að skera okkur niður í snörunni sem við komum okkur sjálfir í með Icesave - þannig gætum við frestað því að taka á samskiptavanda okkar við meginland Evrópu og það myndi minnka líkurnar á að við gengjum í sambandið. Norskir stjórnmálamenn vilja að við göngum í Evrópusambandið því það eykur líkurnar á að Norðmenn geri það líka.

 

Fullviss að Norðmenn vilji lána

Athugasemdir

[Jón Steinar Ragnarsson, 13.10.2009 kl. 12:13]

Mér þykir þú fullyrðingaglaður. Hefurðu nokkuð fyrir þér í þessu eða er þetta bara svona fantasía?

[Kjartan Jónsson, 13.10.2009 kl. 12:20]

Það er ekkert launungarmál að Stoltenberg, forsætisráðherra Norðmanna, hefur oft lýst yfir áhuga á því að Norðmenn gangi í Evrópusambandið. Málið hefði ekki verið borið undir norsku þjóðina 1972 og 1994 nema af því að stjórnmálamennirnir vildu það.