Ákall um inngrip vegna myntlána

Núna tala fjármögnunarfyrirtæki um að þeir bíði eftir skilaboðum eða inngripi frá stjórnvöldum vegna hæstaréttardóms um myntkörfulán. Undirliggjandi er ósk um lög þar sem lögleg verðtrygging komi á lánin í stað þeirrar ólögmætu, þ.e. lánin hækki samkvæmt vísitölu auk vaxta. Stjórnvöld gripu ekki inn í þegar krónan féll og myntlánin ruku upp úr öllu valdi og lögðust með fullum þunga á lántakendur. Ef þau ætla að grípa inn í þessi mál núna til bjargar fjármögnunarfyrirtækjum sem veittu þessi ólöglegu lán eða bönkunum, þegar íbúðalánin fara sömu leið, þá er almenningur í landinu í djúpum skít - þá á hann enga málsvara lengur.

Athugasemdir

[Sigurlaug B. Gröndal, 18.6.2010 kl. 11:49]

Þetta er það sem ég óttast. Að það verði gripið inn í og almenningur sem er í mjög slæmri fjárhagsstöðu beri skarðan hlut að borði. Fjármögnunarfyrirtækin eru búin að blóðmjólka almenning með þessum gjörningi og ef enn og aftur eigi að bjarga þeim úr snörunni þá er fokið í flest skjól