Fyrsta blogg

Sit hérna í glaðasólskini á internet stað við göngugötu í Glasgow og færi inn þetta fyrsta blogg. Var að reyna að upphugsa einhverja virðulega byrjun á blogginu en gafst upp – verð seint virðulegur – get alveg hætt að rembast við það. Sit hérna á annarri hæð með útsýni yfir göngugötu, andspænis gamalli kirkju, iðandi mannlíf í sólskini fyrir neðan. Nokkurra tíma stopp hér áður en ég held áfram til London – Mumbai – Chennai – Madurai – Chennai – Mumbay – Nairobi – Kisumu – Nairobi – Mumbay – London – Glasgow – Keflavík... Sjúkk – maður verður bara þreyttur á að hugsa um það, og varla lagður af stað. Ætla að reyna að vera duglegur að blogga... eða þannig.